ლონდონის “არსენალის” ნახევარმცველი სანტი კასორლა ტრავმირებულია. Gოალ-ის ცნობით, ესპანელი ლაზარეთში თვეს გაატარებს.

“კასორლა ესპანეთის ნაკრებში ყოფნისას დაშავდა. მას რამდენიმე კვირა გაუცდება. სავარაუდოდ, ესპანელი 4-5 კვირის შემდეგ დაგვიბრუნდება. ჟირუს ტრავმა ძალიან მაწუხებს. სადღეისოდ, ჯანმრთელი ფეხბურთელების ნაკლებობა გვაქვს. ჟირუს მუხლი აწუხებს და იმედია, მისი დაკარგვა არ მოგვიწევს”, - განუცხადა “მეთოფეთა” თავკაცმა არსენ ვენგერმა Goal-ს.

ლონდონელთათვის სასიხარულოდ, ჟირუმ “სანდერლენდთან” მატჩში (1:3) მონაწილეობა მიიღო და გოლიც მიითვალა. ამგვარად, ფრანგს ჯანმრთელობასთან დაკავშირებული პრობლემები არ აწუხებს და სათამაშოდ 100%–ით მზადაა.