ესპანური Fichajes-ის ინფორმაციით, არაა გამორიცხული, მადრიდის “რეალის” კიპერმა, იკერ კასილიასმა კარიერა იტალიურ “ნაპოლიში” განაგრძოს.
დაახლოებით ერთი წელია, იკერ კასილიასი “რეალის” ნომერ პირველ მეკარედ აღარ ითვლება და ბუნებრივია, მისი დონის ფეხბურთელი არსებული მდგომარეობით კმაყოფილი ვერ იქნება. უკვე არაერთხელ გაიჟღერა ინფორმაციამ, რომ კასილიასის “რეალიდან” წასვლა გამორიცხული არაა.
სავარაუდოდ, გუნდის გამოცვლა მოუწევს კიდევ ერთ ესპანელ მეკარეს, პეპე რეინას. დიდი ალბათობით, “ნაპოლი” მასთან არენდის ხელშეკრულებას არ გაახანგრძლივებს. სწორედ რეინას ადგილის დაკავებას უწინასწარმეტყველებენ ესპანელი ჟურნალისტები კასილიასს.
