მადრიდის “რეალის” მეკარე იკერ კასილიასი ზაფხულის სატრანსფერო სეზონში კლუბის შეცვლას არ გამორიცხავს. ესპანური მედიის ცნობით, თუკი “ფურია როხას” კაპიტანი მომდევნო სეზონში სასტარტო შემადგენლობაში თამაშის გარანტიას ვერ მიიღებს, სამუშაო ადგილს შეიცვლის.
როგორც ირკვევა, კასილიასს ყველაზე მომხიბვლელი წინადადება “პარი სენ-ჟერმენისგან” აქვს. ესპანელი საფრანგეთში გადაბარგებაზე თანახმაა, რადგან “სამეფო კლუბში” სათამაშო პრაქტიკის ნაკლებობას უჩივის.
შეგახსენებთ, რომ კასილიასი “რეალის” აღზრდილია და მადრიდელებთან მოქმედი კონტრაქტი 2017 წლამდე აკავშირებს.
