მადრიდის “რეალის” მეკარემ, იკერ კასილასმა ჟურნალისტებს უთხრა, რომ ბოლო თვეები მისთვის უმძიმესი იყო მთელი სპორტული კარიერის განმავლობაში. შეგახსენებთ, “სამეფო კლუბის” ყოფილმა მთავარმა მწვრთნელმა ჟოზე მოურინიომ გულშემატკივრების ერთ-ერთი უსაყვარლესი მოთამაშე ძირითადი შემადგენლობიდან ამოაგდო და კარში დიეგო ლოპესი ჩააყენა.
“ოთხთვენახევარი არ მითამაშია. სათადარიგოთა სკამზე ვიჯექი და შანსს ამაოდ ველოდი. როცა ესპანეთის ნაკრების მთავარმა მწვრთნელმა ვისენტე დელ ბოსკემ კონფედერაციის თასზე წასაყვან შემადგენლობაში ჩამწერა, სიტყვებით ვერ გადმოგცემთ, ისე გამიხარდა. არ ვიცი, მომიწევს თუ არა მინდორზე გასვლა, მაგრამ ფაქტია, მწვრთნელის ნდობამ უკვე უდიდესი სტიმული მომცა” – განაცხადა იკერ კასილასმა.
