“პარმას” თავდამსხმელი ანტონიო კასანო იმედს გამოთქვამს, რომ ის იტალიის ეროვნული ნაკრების მთავარი მწვრთნელის, ჩეზარე პრანდელის ყურადღებას მიიქცევს და მსოფლიოს ჩემპიონატზე ითამაშებს.

სერია A-ს 28-ე ტურში, “მილანის” კარში 2 გოლის გატანის შემდეგ, კასანომ შემდეგი კომენტარი გააკეთა: “გუნდი სწორი მიმართულებით მოძრაობს. უკვე 16 მატჩია ვერავინ გვიგებს და მიმაჩნია, რომ უეკთ თამაშიც შეგვიძლია.

ვფიცავ, რომ მსოფლიოს ჩემპიონატზე თამაში მინდა, რადგან ამ ტურნირზე არასდროს მითამაშია. ყველაფერს გავაკეთებ იმისათვის, რომ მწვრთნელს რთული გადაწყვეტილების მიღება ვაიძულო. არ ვიცი, რა შანსები მაქვს, მაგრამ იმედს არ ვკარგავ.” – ციტირებს კასანოს სიტყვებს Sky Sports-ი.

კასანოს, რომელსაც ნაკრებში ევრო 2012-ის შემდეგ არ უთამაშია, ეროვნული გუნდის მაისურით გამართულ 35 მატჩში 10 გოლი აქვს გატანილი.