სუპერლიგის ერთ-ერთმა საუკეთესო კალათბურთელმა, ამერიკელმა ლეგიონერმა, მძიმე ფორვარდმა ქიენ კარტერმა (30.04.88, 204 სმ, 90 კგ), საქართველოს ერთ-ერთ საუკეთესო კლუბთან თბილისის ,,დინამოსთან” ახალი, ერთწლიანი კონტრაქტი გააფორმა.

ამის შესახებ ,,მსოფლიო სპორტს” ,,დინამოს” მთავარმა მწვრთნელმა ირაკლი ხოშტარიამ განუცხადა.

შეგახსენებთ, კარტერი დინამოში პირველად 2011-12 წლების საკალათბურთო სეზონში გამოჩნდა და გუნდის ერთ-ერთი ლიდერი გახდა. მართალია, ქიენმა 2012-13 წლების საკალათბურთო სეზონი საბერძნეთის ეროვნულ ჩემპიონატში დაიწყო, თუმცა, პირველი წრის დასრულების შემდეგ ისევ საქართველოში დაბრუნდა და სეზონი ,,დინამოში” დაასრულა.