მადრიდის “რეალის” ახალმა მთავარმა მწვრთნელმა კარლო ანჩელოტიმ განაცხადა, რომ საფეხბურთო ისტორიაში მსოფლიოს საუკეთესო კლუბში მუშაობს.
“სამეფო კლუბის” ოფიციალურ საიტთან საუბარში იტალიელმა სპეციალისტმა თავისი ყოფილი - პსჟ - და ახალი - მადრიდის “რეალი” - გუნდები შეადარა.
“პსჟ დიდებული გუნდია, მაგრამ “რეალი” საუკეთესოა ფეხბურთის ისტორიაში. ფრანგული კლუბი მაქსიმუმს აკეთებს, რათა უდიდესი კლუბი გახდეს, თუმცა, ამას დრო სჭირდება. “რეალი” ყველა იმ ტურნირის მოსაგებად იბრძოლებს, სადაც ითამაშებს, მაგრამ პრიორიტეტული ჩემპიონთა ლიგა იქნება. პსჟ-ს ფეხბურთელების “რეალში” გადაყვანა? რატომაც არა? მე მათზე საუკეთესო აზრი დამრჩა, მათ შორის ზლატან იბრაჰიმოვიჩზე, და მოხარული ვიქნები, თუ მათთან ერთად მუშაობა ისევ მომიწევს”, - განაცხადა ანჩელოტიმ.
