რუსეთის ეროვნული ნაკრების იტალიელი დამრიგებელი ფაბო კაპელო მიიჩნევს, რომ “იუვენტუსის” მთავარი მწვრთნელი ანტონიო კონტე საკუთარ ფეხბურთელებთან ურთიერთობაში შეცდომას უშვებს.

სერია A-ს გასულ ტურში “ვერონასთან” ქულების დაკარგვის შემდეგ, კონტე ძალიან გაბრაზდა და მან შეგირდები საჯაროდ გააკრიტიკა.

“მსგავს მეთოდებს ყოველთვის ვეწინააღმდეგებოდი და ასე მუშაობას ვერიდებოდი. ჩემთვის, გაცილებით მნიშვნელოვანია ფეხბურთელებთან ურთიერთობა დავალაგო, მათთან ვისაუბრო და ჩემთვის მნიშვნელოვანი პრობლემები ასე გადავჭრა.” – აცხადებს კაპელო, რომელიც “იუვენტუსს” 2004-06 წლებში წვრთნიდა.