ხოაკინ კაპაროსმა “ლევანტეს” მთავარი მწვრთნელის თანამდებობა დატოვა. ამის შესახებ საფეხბურთო კლუბ “ლევანტეს” ოფიციალური ვებგვერდი იუწყება.
58 წლის კაპაროსი “ლევანტეს” სათავეში შარშან ზაფხულში ჩაუდგა და პრიმერა დივიზიონში გუნდი მე-10 ადგილზე გაიყვანა. კლუბის ხელმძღვანელობას მასთან კონტრაქტის გახანგრძლივება ორი წლით სურდა, მაგრამ კაპაროსი შეთავაზებულმა ფინანსურმა პირობებმა არ დააკმაყოფილა.
