მილანის “ინტერის ნახევარმცველმა ესტებან კამბიასომ შეიძლება კარიერა ლონდონის “ტოტენჰემში” გააგრძელოს. ბრიტანული გამოცემების ცნობით, მხარეებს შორის მოლაპარაკების პროცესი უკვე დასასრულს უახლოვდება და სავარაუდოდ, უახლოეს მომავალში კონტრაქტიც გაფორმდება.
33 წლის კამბიასოსა და “ინტერის” მოქმედ ხელშეკრულებას ვადა ამ ზაფხულს ეწურება და ურთიერთთანამშრომლობის გაგრძელება არც ფეხბურთელს სურს და არც მილანურ კლუბს.
