კოტდივუარის ეროვნული ნაკრების და ფრანგული "ლილის" თავდამსხმელმა სალომონ კალუმ, შესაძლოა კარიერა კვლავ პრემიერლიგაში განაგრძოს. ბრიტანული მედიის ინფორმაციით, 28 წლის ფეხბურთელისადმი ინტერესს ლონდონის "ტოტენჰემი" და "ლივერპული" იჩენენ და მზად არიან ტრანსფერში ფრანგულ მხარეს სამი მილიონი ევრო გადაუხადონ.

კოტდივუარელი ფეხბურთელის ვარიანტს ლონდონის "არსენალიც" განიხილავდა, თუმცა ალექსის სანჩესის დამატებით, კალუს ვარიანტი გამოირიცხა.

შეგახსენებთ, რომ სალომონ კალუ ფრანგულ კლუბში ლონდონის "არსენალიდან" თავისუფალი აგენტის სტატუსით გადავიდა. ორი სეზონის განმავლობაში კოტდივუარელმა "ლილის" მაისურით 77 შეხვედრა ჩაატარა და 34 გოლთან ერთად 11 საგოლე გადაცემაც მიითვალა.

გიორგი ბალახაძე