ქართველი ოქსანა კალაშნიკოვა და რუმინელი ირინა-კამელია ბეგუ მადრიდში დაწყებულ საერთაშორისო ტურნირს (საპრიზო ფონდი 3 671 405 დოლარი) პირველივე რაუნდში გამოეთიშნენ.

Mutua Madrid Open-ის საწყის წრეში კალაშნიკოვა და ბეგუ ჩეხ კლარა კუკალოვას და რუმინელ მონიკა ნიკულესკუს გაეჯიბრნენ და 4:6, 3:6 წააგეს.

ანტალიის 10-ათასიანი ტურნირის კვალიფიკაციაში ანა ახალკაცმა რუს ელიზავეტა იურჩენკოს 5:7, 6:2, 6:4 სძლია და ძირითად ბადეში გააღწია, სადაც სერბ კრისტინა ოსტოიჩს ეთამაშება. წყვილებში ახალკაცი და ყაზახი ჟუმამუხამბეტოვა ავსტრალიელ ჯიანოტის და ზელანდიელ ტეტაის გაეჯიბრებიან.

შარმ ელ შეიხის 10-ათასიანი ტურნირის საკვალიფიკაციო ბადეში შვედ იდა ალფრედსონთან 2:6, 0:6 დამარცხდა ანა ქადაგიძე. წყვილებში ქადაგიძე და რუსი ციგანოვა ძალებს ბრიტანელ გიბსონთან და ინდოელ პედი რედისთან მოსინჯავენ.