ქართველი ოქსანა კალაშნიკოვას და უკრაინელი ირინა ბურიაჩოკის წყვილი ავსტრალიის ღია პირველობაში ჩაერთო, თუმცა, პირველივე მატჩში მარცხი განიცადა.

ქართულ-უკრაინული დუეტი საწყის შეხვედრაში ფავორიტად შერაცხულ რუსულ-ავსტრალიურ ტანდემს (ნადია პეტროვა-სამანტა სტოსური) გაეჯიბრა და 46 წუთში 1:6, 2:6 წააგო.

აღსანიშნავია, რომ კალაშნიკოვამ და ბურიაჩოკმა მეტოქეთა მოწოდება ვერცერთხელ მოიგეს, ჯამში კი, პეტროვასა და სტოსურზე თითქმის ორჯერ ნაკლები ქულები (31:60) მიითვალეს.