ქართველი ოქსანა კალაშნიკოვა და სლოვაკი იანა ჩეპელოვა უიმბლდონის წყვილთა გათამაშების მე-2 ტურში ჩეხებს – ანდრეა ჰლავაჩკოვას და ლუს ჰრადეცკას ეთამაშებიან, რომლებიც ტურნირზე მე-2 განთესვით ასპარეზობენ.

შეგახსნებთ, რომ კალაშნიკოვამ და ჩეპელოვამ ამერიკელ ირინა ფალკონის და გერმანელ ტატიანა მარიას 4:6, 6:1, 6:1 სძლიეს, ხოლო ჩეხებმა რუს ალა კუდრიავცევას და ავსტრალიელ ანასტასია როდიონოვას 7:5, 6:2 მოუგეს.

დღესვე, ანა ტატიშვილი და რუმინელი სიმონა ჰალეპი ფრანგ სტეფანი ფორეც გაკონს და ჩეხ ევა ჰრდინოვას დაუპირისპირდნენ და მიუხედავად იმისა, რომ გადამწყვეტ სეტში ბრეიკით იგებდნენ, საბოლოოდ, 6:2, 3:6, 3:6 დამარცხდნენ.