ქართველმა ჩოგბურთელმა ოქსანა კალაშნიკოვამ ბელორუსის დედაქალაქ მინსკში მიმდინარე საერთაშორისო ტურნირზე ასპარეზობა მეოთხედფინალში დაასრულა.
მე-5 ნომრად განთესილ ქართველ გოგონას საწყის რაუნდებში პრობლემები არ შექმნია, ფრანგ ირენ პავლოვიჩთან კი 2:6, 5:7 წააგო.
კალაშნიკოვამ მინსკში ასპარეზობით 14 სარეიტინგო ქულა გამოიმუშავა, რისი წყალობითაც ქალთა საჩოგბურთო ასოციაციის (WTA) კლასიფიკაციაში საქართველოს პირველი ჩოგნის სტატუსს შეინარჩუნებს.