“უიმბლდონის” წყვილთა ტურნირში ქართველმა ოქსანა კალაშნიკოვამ და უკრაინელმა ოლგა სავჩუკმა ფავორიტებად შერაცხულ ამერიკულ დუეტს – სერენა და ვენუს უილიამსების შემადგენლობით, დიდი წინააღმდეგობა გაუწიეს, თუმცა, გამარჯვებას მაინც ვერ მიაღწიეს.

გასული მატჩი თითქმის ორ საათს გაგრძელდა და კალაშნიკოვამ და სავჩუკმა მე-8 ნომრად განთესილ უილიამსებს პირველი სეტიც მოუგეს, მაგრამ საქმის ბოლომდე მიყვანა ვეღარ მოახერხეს – 7:5, 1:6, 4:6.

გერმანულ მარბურგში ნიკოლოზ ბასილაშვილის გარეშე გაგრძელდება 35-ათასიანი ჩელენჯერი. ქართველი ჩოგბურთელი მე-6 ნომრად განთესილი ტიემო დე ბაკერისს წინააღმდეგ სათამაშოდ არ გასულა და ჰოლანდიელს მეოთხედფინალის საგზური უბრძოლველად ერგო.