19 წლის ოქსანა კალაშნიკოვამ არაბეთის გაერთიანებული ემირატების უდიდეს ქალაქ დუბაიში მიმდინარე ტურნირზე პირველივე მატჩი წააგო და 2009 წლის საქართველოს პირველ ჩოგნად დასრულების შანსი გაანიავა.
ოქსანამ მე-5 ნომრად განთესილ ლატვიელ ანასტასია სევასტოვასთან მატჩში ღირსეულად იბრძოლა, თუმცა, სამ სეტში 2:6, 7:5, 6:2 წააგო და WTA-ს რეიტინგში კვლავაც ანა ტატიშვილს ზურგს უკან დარჩა.
წყვილთა გათამაშებაში მე-4 ნომრად განთესილი კალაშნიკოვასა და გერმანელი გოერგესის დუეტი იმავე სევასტოვასა და ფრანგი პავლოვიჩის ტანდემს გაეჯიბრება.
დუბაის საჩოგბურთო ტურნირის საპრიზო ფონდი 75 ათასი დოლარია.