ქართველი ჩოგბურთელი ოქსანა კალაშნიკოვა უზბეკეთის დედაქალაქ ტაშკენტში იმყოფება და ძალებს ადგილობრივ ღია პირველობაზე სცდის, რომლის საპრიზო ფონდიც 250 ათასი დოლარია.

ერთეულთა შეჯიბრის კვალიფიკაციაში კალაშნიკოვამ ყაზახ იულია პუტინცევას 4:6, 6:4, 6:0 სძლია, თუმცა, გადამწყვეტ ეტაპზე მე-7 ნომრად განთესილ უკრაინელ ლიუდმილა კიჩენოკთან 1:6, 4:6 წააგო.

წყვილთა ტურნირში კალაშნიკოვა და იაპონელი მისაკი დოი პირველი რეიტინგით ჩაებმებიან და საწყის რაუნდში სერბ კრუნიჩს და ჩეხ სინიაკოვას გაეჯიბრებიან.