ქართველმა და პოლონელმა ჩოგბურთელებმა ოქსანა კალაშნიკოვამ და პაულა კანიამ თურქეთის ქალაქ სტამბოლში მიმდინარე საერთაშორისო ტურნირის (საპრიზო ფონდი 250 ათასი დოლარი) პირველი წრე დასძლიეს.

კალაშნიკოვამ და კანიამ უკრაინელ დებ – ლიუდმილა და ნადია კიჩენოკებთან დიდი ბრძოლა გადაიტანეს და 6:7 (3:7), 6:4, 10:8 იმარჯვეს.

ოქსანამ და პაულამ 60-60 ქულა გამოიმუშავეს და მეოთხედფინალში გააღწიეს. მათი მეტოქე უკრაინულ (ბეიგელციმერი-სავჩუკი) და რუმინულ-ებრაულ (ოლარუ-პეერი) წყვილებს შორის უმჯობესი იქნება.