მსოფლიოს ორგზის ჩემპიონი კაფუ დარწმუნებულია, რომ ბრაზილიის ნაკრები მუნდიალ-2014-ს მოიგებს.

“ჩვენ სახლში ვართ, ანუ ტრიბუნების მხარდაჭერა და დიდი მოტივაცია “სელესაოს” შედეგებზე კარგად აისახება. ჯგუფში არანაირი პრობლემა არ გვექნება, თუმცა ჯგუფში და შემდგომ მატჩებშიც, ბრაზილია მობილიზებული უნდა იყოს. არ უნდა დაგვემართოს ის, რაც “ატლეტიკო მინეიროს” მოუვიდა “რაჯა კასაბლანკასთან”. ხშირად ხდება, მეტოქეს სუსტად მიიჩნევ და ამიტომაც ისჯები.

... რაც შეეხება ჩემს საყვარელ პოზიციას, ანუ მარჯვენა მცველობას. ვფიქრობ, დანი ალვეშიც და მაიკონიც მსოფლიო დონის ფეხბურთელები არიან. ვერ ვიტყვი, რომ დანი ალვეშს ძირითადში ადგილი გარანტირებული აქვს” - ამბობს კაფუ.  

შეხსენებისთვის, კაფუ 1994 და 2002 წელს გახდა მსოფლიოს ჩემპიონი.