ინგლისური “ქუინზ პარკ რეინჯერსის” მეკარე ჟულიო სეზარი, შესაძლოა იტალიურ “ფიორენტინაში” გადავიდეს - წერს Sky Sports-ი. “იისფერთა” აგენტები უკვე დალაპარაკებიან ლონდონური კლუბის წარმომადგენლებს. მოგეხსენებათ, გასულ სეზონში ქპრ პრემიერლიგიდან გავარდა და ცხადია, მის წამყვან ფეხბურთელებს კვლავ მაღალ ლიგაში თამაში სურთ.

ჟულიო სეზარი “რომას” მწვრთნელების გეგმებშიც შედიოდა, თუმცა საბოლოოდ უარი მარტივი მიზეზის გამო თქვეს – სეზარს ევროკავშირელის პასპორტი არ აქვს. “ფიორენტინა” ასევე “კალიარის” მეკარის - მიკელე აგაცის კანდიდატურასაც განიხილავს.

ჟულიო სეზარი კი ამჟამად კონფედერაციათა თასზე ბრაზილიის ეროვნული გუნდის შემადგენლობაში ასპარეზობს, სადაც სავარაუდოდ კვირას, ფინალში ესპანელების წინააღმდეგ ითამაშებს.