ლონდონის "ჩელსის" მთავარმა მწვრთნელმა ჟოზე მოურინიომ აღნიშნა, რომ მატა არ გაიყიდება. მას შემდეგ, რაც "მანჩესტერთან" მატჩში პორტუგალიელმა მატა სათადარიგო სკამზე დასვა, გავრცელდა ჭორები, რომ ესპანელი, კლუბის დატოვებას აპირებს.
"შანსი არ არსებობს, მატამ გუნდი დატოვოს. კონფედერაციის თასის შემდეგ, წინასასეზონო მოსამზადებელი ეტაპი, ტრამვის გამო, თითქმის ვერ გაიარა. ვარჯიში პირველ მატჩამდე ორი დღით ადრე დაიწყო და სათანადო ფორმაში ჯერ არ არის. მატა "ასტონ ვილასთან" ვათამაშე და შემდეგ სათადარიგოთა სკამზე დავსვი, მას დრო სჭირდება", - განაცხადა ჟოზე მოურინიომ.
წინა სეზონში, ესპანელმა ფეხბურთელმა "ჩელსის" მაისურით 34 მატჩში მიიღო მონაწილეობა და 18 გოლი გაიტანა.
გიორგი ბალახაძე
