მსოფლიო რეიტინგის მე-8 ჩოგანმა ჟო-ვილფრიდ ცონგამ წარმატებული სტარტი აიღო მონტე-კარლოში მიმდინარე მასტერსზე, ტურნირის მეორე წრეში დაამარცხა რა რუსი ნიკოლაი დავიდენკო ორ სეტში - 7:6(3), 6:2.

შეხვედრა 1 საათსა და 23 წუთს გაგრძელდა და ამ დროის განმავლობაში ფრანგმა ოთხჯერ დააბრეიკა მეტოქე, საკუთარი მოწოდება კი მხოლოდ ერთხელ დათმო. ფრანგის ანგარიშზე 7 ეისი და 1 ორმაგი შეცდომაა, ნიკოლაიმ კი ვერცერთი ეისი ვერ მოაწოდა და 4 ორმაგიც დაუშვა.

დღევანდელი წარმატების შემდეგ ამ ჩოგბურთელთა დაპირისპირებათა ისტორიაში ჟო-ვილფრიდი გავიდა წინ - 3:2.