ტურინის “იუვენტუსის” ხელმძღვანელობა მადრიდის “რეალის” თავდამსხმელ გონსალო იგუაინის შეძენით დაინტერესებული არაა. ამის შესახებ იტალიურ გამოცემებს “ბებერი ქალბატონის” გენერალურმა დირექტორმა ბეპე მაროტამ აცნობა.
“ამჟამად კლუბის შემტევი ხაზი სრულადაა დაკომპლექტებული. გვინდოდა ხუთი თავდამსხმელი გვყოლოდა და უფრო მეტიც გვყავს”, – განაცხადა მაროტამ.
შეგახსენებთ, “იუვენტუსმა” მიმდინარე სატრანსფერო სეზონში კარლოს ტევესი და ფერნანდო ლიორენტე შეიმატა. რაც შეეხება იგუაინს, მის ხელში ჩასაგდებად ლონდონის “არსენალის” ხელმძღვანელობა აქტიურობს.
