მას შემდეგ, რაც „იუვენტუსის“ ახალი საშინაო არენა გაიხსნა, ტურინელებმა „რომას“ მეოთხედ უმასპინძლეს და წინა 3 შემთხვევის მსგავსად, „ბებერმა სინიორამ“ ამჯერადაც გამანადგურებელი სხვაობით მოიგო. არადა, დედაქალაქელთა წაუგებელი სერიისა და პირველ ტაიმში ნაჩვენები თამაშის გათვალისწინებით, „ჯალოროსის“ განადგურება მოსალოდნელი არ იყო.

პირველი ნახევარი „იუვენტუსმა“ მოიგო, მაგრამ შესვენებამდე გუნდებმა თანაბარი ფეხბურთი აჩვენეს.  ტაიმის ერთადერთი გოლი ვიდალმა გაიტანა, რომელმაც ტევესის კარგი გადაცემის შემდეგ, ახლო მანძილიდან იხეირა. ჩილელმა ნახევარმცველმა „რომას“ კარში თავისი მე-4 გოლი გაიტანა. ის ყველაზე მეტად რომაულ გუნდებს ერჩის - 26 წლის ფეხბურთელს „ლაციოს“ კარშიც 4-ჯერ გაუტანია.

თამაშის განახლებიდან სამ წუთში, პირლომ საჯარიმოში ჩააწოდა და შორეულ ძელთან უმეთვალყურეოდ დარჩენილმა ბონუჩიმ მასპინძლებს სოლიდური უპირატესობა მოუტანა.

„რომა“ ისედაც რთულ მდგომარეობაში იყო, ხოლო 75-ედან 77-ე წუთამდე მონაკვეთი რუდი გარსიას გუნდისთვის კოშმარული გამოდგა. ჯერ, კიელინისთან უხეშად თამაშის გამო, მოედნიდან დე როსი გააძევეს, ხოლო ორ წუთში, მის გზას ლეანდრო კასტანიც გაუყენეს, რომელმაც საკუთარი კარის ხაზზე ბურთზე ხელით განზრახ ითამაშა. ბრაზილიელი მცველის მიერ წესების დარღვევას თერთმეტმეტრიანი მოჰყვა, რომელიც „რომას“ ყოფილმა ფეხბურთელმა, მირკო ვუჩინიჩმა ზუსტად შეასრულა და სეზონის სტარტზე 17-მატჩიანი წაუგებელი სერია „ჯალოროსიმ“ ტურინში განადგურებით დაასრულა. ამ თამაშის შემდეგ, ევროპის წამყვან 10 ჩემპიონატში წაუგებელი მხოლოდ მიუნხენის „ბაიერნი“ დარჩა.

წელი მოგებით დაიწყო „ფიორენტინამ“, რომელმაც ზედიზედ მე-3 მატჩში იმარჯვა. ფლორენციელებმა „ლივორნოს“ უმასპინძლეს და ბოლოსწინა ადგილზე მყოფ გუნდს ერთი ბურთი აკმარეს. ეს გოლი გონსალო როდრიგესმა გაიტანა, რომელმაც ბორხა ვალეროს მიერ კუთხურიდან მოწოდებულ ბურთს თავი შედეგიანად დაჰკრა.

კიევო-კალიარი 0:0

ვერონა, “მარკ ანტონიო ბენტეგოდი” 5000

კიევო (3-1-4-1): პუჯონი, ფრეი, დაინელი, სეზარი, რიგონი, სარდო (სესტუ 57), ბენტივოლიო (რადოვანოვიჩი 82), ჰეტემაი, დრამე, ტერო, პელისიე (პალოსკი 69).

მწვრთნელი: ეუჯენიო კორინი.

ვერონა (4-3-1-2): ადანი, პიზანო, როსეტინი, ასტორი, მურუ, ეკდალი (დესენა 77), კონტი, ნაინგოლანი, კოსუ (კაბრერა 73), პინილია, საუ (იბარბო 63).

მწვრთნელი: ივო პულგა.

გამოუყენებელი თერთმეტმეტრიანი: პინილია 66.

გაფრთხილებები: სეზარი 65, რიგონი 68, პალოსკი 73 - კონტი 34, ასტორი 70.

მსაჯი: მაურო ბერგონცი.

ბურთის ფლობა: 45%-55%, დარტყმა: 1 (0)-6 (1), კუთხური: 1-1, თამაშგარე: 6-0, სეივი: 1-0, ჯარიმა: 23-18.

ფიორენტინა-ლივორნო 1:0 (0:0)

ფლორენცია, “არტემიო ფრანკი” 29000

ფიორენტინა (3-4-1-2): ნეტო, რონკალია, როდრიგესი, სავიჩი, კუადრადო, პისარო, ვალერო (ამბროზინი 81), აკვილანი, ვარგასი, ილიჩიჩი (ხოაკინი 62), როსი (რიდერი 72).

მწვრთნელი: ვინჩენცო მონტელა.

ლივორნო (3-4-2-1): ბარდი, ვალენტინი, რინაუდო, ჩეკერინი (ემეგარა 84), სკატარელა, ბენასი (სილიგარდი 90), ბიაჯანტი (დუნკანი 90+2), მბაიე, ლუცი, გრეკო, პაულინიო.

მწვრთნელი: დავიდე ნიკოლა.

გოლი: 1:0 როდრიგესი (66).

გაფრთხილებები: ილიჩიჩი 21, აკვილანი 36, კუადრადო 54, როდრიგესი 81 - ვალენტინი 41, პაულინიო 45, რინაუდო 69, ლუცი 76, სკატარელა 85.

მსაჯი: პაოლო ტალიავენტო.

ბურთის ფლობა: 67%-33%, დარტყმა: 19 (7)-8 (3), კუთხური: 5-3, თამაშგარე: 1-1, სეივი: 3-6, ჯარიმა: 12-19.

იუვენტუსი-რომა 3:0 (1:0)

ტურინი, “იუვენტუს სთედიუმი”

იუვენტუსი (3-1-4-2): ბუფონი, ბარძალი, ბონუჩი, კიელინი, პირლო, ლიხტშტაინერი, ვიდალი (მარკიზიო 79), პოგბა, ასამოა, ტევესი (ვუჩინიჩი 60), ლიორენტე (კვალიარელა 81).

მწვრთნელი: ანტონიო კონტე.

რომა (4-3-3): დე სანკტისი, მაიკონი, ბენატია, კასტანი, დოდო (ტოროსიდისი 55), პიანიჩი (დესტრო 55), დე როსი, სტროოტმანი, ჟერვინიო, ტოტი (ფლორენცი 72), ლიაიჩი.

მწვრთნელი: რუდი გარსია.

გოლები: 1:0 ვიდალი (17), 2:0 ბონუჩი (48), 3:0 ვუჩინიჩი (77, პენ).

გაფრთხილებები: ტევესი 33, კიელინი 34, ბარძალი 87 - ჟერვინიო 37, ლიაიჩი 83.

გაძევებები: დე როსი 75, კასტანი 77.

მსაჯი: ნიკოლა რიცოლი.

ბურთის ფლობა: 41%-59%, დარტყმა: 13 (5)-8 (4), კუთხური: 5-3, თამაშგარე: 0-5, სეივი: 4-2, ჯარიმა: 15-15.