„იუვენტუსის“ ოფიციალურად გაჩემპიონება, მასპინძელთა ასპროცენტიანი შედეგი, კავანისა და ბერგესიოს ჰეთ თრიქი, „პესკარას“ გავარდნა, დი ნატალეს მორიგი გაბრწყინება და მიროსლავ კლოზე - ეს იმ გამორჩეულ მოვლენათა ჩამონათვალია, რომლებიც სერია A-ს 35-ე ტურში დაფიქსირდა.

ჩემპიონატის დასრულებამდე 3 ტურით ადრე, „იუვენტუსი“ „პალერმოს“ მასპინძლობდა და არწაგების შემთხვევაში, ტურინელები რიგით 29-ე თუ 31-ე სკუდეტოს ინაღდებდნენ.

„იუვენტუს სთედიუმზე“ გამართული მატჩი მასპინძელთათვის იოლი არ ყოფილა. ანტონიო კონტეს გუნდი უპირატესობას ფლობდა, მაგრამ პირველ ერთ საათში ანგარიშის გახსნას ვერ ახერხებდა.

ტურინელებმა ერთადერთი გოლი 59-ე წუთზე, საკამათო სიტუაციაში დანიშნული თერთმეტმეტრიანის წყალობით გაიტანეს. „პალერმოს“ საჯარიმოში დონატისა და ვუჩინიჩის შეჯახება არბიტრმა მასპინძელი მცველის მხრიდან წესების დარღვევად შეაფასა და თერთმეტმეტრიანის ნიშნულისკენ მიუთითა. ვიდალმა ზუსტად დაარტყა და სერია A-ს მიმდინარე გათამაშებაში, „იუვემ“ მე-8 პენალტი გაიტანა. ამაზე მეტი თერთმეტმეტრიანი ტურინელებმა ბოლოს 2002-03 წლების სეზონში გაიტანეს.

შეხვედრის მიწურულს, მეტოქე ფეხბურთელისთვის შეფურთხების გამო, მოედნიდან პოგბა გააძევეს, მაგრამ „პალერმომ“ ამით ვერ ისარგებლა და 5-მატჩიანი წაუგებელი სერია შეწყვიტა.

„იუვემ“ ქვეყნის ჩემპიონობა შეინარჩუნა. ტურინული კლუბის ქომაგთათვის, ეს 31-ე სკუდეტო იყო, ხოლო ოფიციალურად, „ბებერმა სინიორამ“ ქვეყნის საუკეთესო გუნდის წოდება 29-ედ მოიპოვა. შეგახსენებთ, რომ 2006 წელს, „იუვენტუსს“ ერთი ტიტული ჩამოართვეს, ხოლო ერთი არ გადასცეს. სხვაობას სწორედ ეს ჯილდოები ქმნის.

აღვნიშნავთ იმასაც, რომ იტალიის ჩემპიონის წოდება ზედიზედ მესამედ მოიპოვა ანდრეა პირლომ. 2011 წელს, მან გამარჯვება „მილანთან“ ერთად იზეიმა, მომდევნო ორ სეზონში კი - „იუვენტუსთან“ ერთად.

თანამედროვე ფეხბურთისთვის იშვიათი რამ მოხდა „ლაციოსა“ და „ბოლონიას“ შორის გამართულ შეხვედრაში. მასპინძელთა ვეტერან შემტევს, მიროსლავ კლოზეს, სერია A-ში, ჰეთ თრიქიც კი არ ჰქონდა შესრულებული, ახლა კი, გერმანელი თავდამსხმელი თავს ერთ თამაშში გატანილი 5 გოლით იწონებს. აქამდე ბოლო შემთხვევა, როდესაც სერია A-ს ერთ მატჩში ფეხბურთელმა მეტოქის კარი 5-ჯერ აიღო, 1985 წელს დაფიქსირდა და ეს მაშინაც რომაული გუნდის მოთამაშემ მოახერხა. „რომასა“ და „აველინოს“ შორის გამართულ შეხვედრაში, რომელიც 5:1 დასრულდა, სტუმრებს ხუთივე გოლი რობერტო პრუცომ გაუტანა. იტალიის ჩემპიონატის რეკორდი ერთ თამაშში 6 გოლის გატანაა. ასეთი შემთხვევა 2-ჯერ დაფიქსირდა - 1933-34 წლების სეზონში, თავი „პრო ვერჩელიში“ მოთამშე სილვიო პიოლამ გამოიჩინა, ხოლო  1960-61 წლების სეზონში, იგივე „იუვეს“ შემტევმა, ომარ სივორიმ გააკეთა.

კლოზეს გარდა, „ბოლონიას“ კარში გოლის გატანა ერნანესმაც მოახერხა და „ლაციოს“ 6 ბურთიდან, ყველაზე ლამაზი სწორედ ბრაზილიელის გამოდგა. 32-ე წუთზე, როდესაც ანგარიში 1:0 იყო, ერნანესის მიერ დაახლოებით 20 მეტრიდან დარტყმის შემდეგ, ბურთი ჯერ ხარიხას მოხვდა და სტოიანოვიჩის კარში ამის შემდეგ აღმოჩნდა.

34 წლის კლოზეს მსგავსად, ასაკს არ იმჩნევს მასზე ერთი წლით უფრო ანტონიო დი ნატალე, რომელიც გუნდს ზედიზედ მე-5 თამაშის მოგებაში დაეხმარა. „სამპდორიასთან“ გამართულ შეხვედრაში, დი ნატალემ თავი 2-ჯერ გამოიჩინა და მიმდინარე გათამაშებაში, მის ანგარიშზე უკვე 20 გოლია, რაც კავანის შედეგის შემდეგ, საუკეთესო მაჩვენებელია. განსაკუთრებით შთამბეჭდავია დი ნატალეს შედეგიანობა ბოლო 5 წლის განმავლობაში. დროის ამ მონაკვეთში, ქვეყნის ჩემპიონატში, მან 112 გოლი გაიტანა. ევროპის წამყვანი ჩემპიონატებიდან, ამაზე უკეთესი შედეგი მხოლოდ ლიონელ მესისა და კრიშტიანუ რონალდუს აქვთ.

სამმატჩიანი ჩავარდნის შემდეგ, ზედიზედ მე-2 თამაში მოიგო „მილანმა“, რომელმაც ჩემპიონთა ლიგაზე გამსვლელი მე-3 ადგილი გაიმყარა. აუტსაიდერთა შორის მყოფ „ტორინოსთან“ საშინაო შეხვედრაში, „როსონერის“ 3 ქულა მარიო ბალოტელიმ მოუტანა, რომელმაც 84-ე წუთზე, მექსეს თავური გადაცემის შემდეგ, ცარიელ კარში გაიტანა. ამ მოგების შემდეგ, „მილანი“ შაბათს უქულოდ დარჩენილ „ფიორენტინას“ უკვე 4 ქულით უსწრებს, გათამაშების დასრულებამდე კი მხოლოდ 3 ტურია დარჩენილი.

ნეაპოლში მოგებას 1997 წლის შემდეგ ვერ ახერხებს „ინტერი“, რომელიც, ამჯერად, უქულოდ დარჩა. მატჩის გმირად ედინსონ კავანი მოგვევლინა, რომელმაც ჰანდანოვიჩს კარში 3 ბურთი გაიტანა და რიკი ალვარესის მიერ თერთმეტმეტრიანის ზუსტად შესრულებას აზრი დაუკარგა. ურუგვაელმა ანგარიში მე-3 წუთზე გახსნა, როდესაც პანდევის გადაცემის შემდეგ ბურთი ძალიან კარგად გააჩერა და დაახლოებით 11 მეტრიდან, მას ადგილი სტუმართა კარში მიუჩინა. 23-ე და 33-ე წუთებზე, გუნდებმა თერთმეტმეტრიანები გაცვალეს, ხოლო 78-ე წუთზე, კავანიმ ორსვლიანი კომბინაცია პანდევთან გაითამაშა და ცარიელ კარში ვარდნაში დარტყმით, სამხრეთ ამერიკელმა სუპერთავდამსხმელმა შეხვედრას წერტილი დაუსვა.

ამ მოგების შემდეგ, „ნაპოლიმ“ მე-2 ადგილი,  შეიძლება ითქვას, გაინაღდა, ხოლო ბოლო 8 თამაშიდან ექვსის წამგები „ინტერი“ ევროპის ლიგის საგზურს დაშორდა.

ლამაზი გოლები გავიდა სერია A-ში დარჩენისთვის მებრძოლ „ჯენოასა“ და სერია B-ში აწ უკვე გავარდნილ „პესკარას“ შორის გამართულ შეხვედრაში. ანგარიში მასპინძელთა შემტევმა, ფლორო ფლორესმა გახსნა, რომელმაც 6 მეტრიდან თავით ზუსტად დაარტყა. 30-ე წუთზე, მარკო ბორიელომ ბურთი მეტოქის საჯარიმოში მიიღო, უკან დაიწია და დაახლოებით 18 მეტრიდან არცთუ ძლიერი, მაგრამ ძალიან ზუსტი დარტყმით, „ჯენოას“ სოლიდური უპირატესობა მოუპოვა. „დელფინებმა“ ერთი ბურთი 5 წუთში გაქვითეს. მარჯვენა ფლანგიდან ძანონის ჩაწოდების შემდეგ, საპირისპირო მხარეს მყოფმა სკულიმ, ეფექტური თავურით, ბურთს ადგილი შორეულ კუთხეში მიუჩინა. მე-2 ტაიმში, გენუელებმა კიდევ 2-ჯერ გაიტანეს. 54-ე წუთზე, ორსვლიანი კომბინაციის გათამაშების წყალობით, ბერტოლაჩი და  ბორიელო 4 მეტოქეს გაუმკლავდნენ, რასაც 22-ე ნომრის მიერ საჯარიმოს წინა ხაზიდან ძლიერი დარტყმა მოჰყვა - 3:1. წერტილი ბერტოლაჩიმ დასვა. 70-ე წუთზე, მან წინგამოსულ მეკარეს დაახლოებით 25 მეტრიდან გაუტანა.

„კატანიას“ შემადგენლობაში პირველი ჰეთ თრიქი გაიფორმა გონსალო ბერგესიომ, რომელმაც 3 ბურთი უმაღლესში დარჩენისთვის მებრძოლ „სიენას“ გაუტანა. მიმდინარე გათამაშებაში, არგენტინელი შემტევის გოლებითა და შედეგიანი გადაცემებით, „კატანიამ“ უკვე 13 ქულა მოიპოვა.

ბოლოს კი, თქვენს ყურადღებას იმას მივაპყრობთ, რომ კვირა დღეს ჩატარებული 8 თამაშიდან ყველა მასპინძელმა გუნდმა მოიგო.

უდინეზე-სამპდორია 3:1 (1:1) 

უდინე, “ფრიული” 15000

უდინეზე (3-4-3): ბრკიჩი, ბენატია, დანილო, დომიცი, ბასტა, ალანი, პინცი (კამპოსი 89), სილვა, პერეირა (ბადუ 76), დი ნატალე, ზილინსკი (მურიელი 55).

მწვრთნელი: ფრანჩესკო გვიდოლინი.

სამპდორია (3-5-2): რომერო, მუსტაფი, როსინი, კასტელინი, დე სილვესტრი (ბერარდი 81), რენანი, ობიანგი, პოლი (ლოპესი 78), ესტიგარიბია, ედერი, იკარდი (სანსონე 61).

მწვრთნელი: დელიო როსი.

გოლები: 1:0 დი ნატალე (29), 1:1 ედერი (34), 2:1 დი ნატალე (52), 3:1 მურიელი (87).

გაფრთხილებები: პინცი 23, დანილო 42, დი ნატალე 59, დომიცი 74, ბენატია 86 - პოლი 26, მუსტაფი 84.

მსაჯი: პაოლო ტალიავენტო.

ბურთის ფლობა: 56%-44%, დარტყმა: 10 (5)-13 (7), კუთხური: 0-5, თამაშგარე: 8-0, სეივი: 7-2, ჯარიმა: 14-19.

პარმა-ატალანტა 2:0 (1:0)

პარმა, “ენიო ტარდინი” 13000

პარმა (3-4-3): მირანტე, ბენალუანე, პალეტა, ლუკარელი, გობი, ამპუარო (სტრასერი 76), მარკიონი, პაროლო, ბიაბიანი (ბონიპერტი 90), ამაური, ბელფოდილი (როზი 76)

მწვრთნელი: რობერტო დონადონი

ატალანტა (4-4-1-1): კონსილი, ფერი (დე ლუკა 60), ლუჩინი (კონტინი 26), სტენდარდო, ბრივიო, რაიმონდი, ჩიგარინი (კარმონა 71), ბიონდინი, ბონავენტურა, მორალესი, დენისი

მწვრთნელი: სტეფანო კოლანტუანო

გოლები: 1:0 პაროლო (45), 2:0 ბიაბიანი (58)

გაფრთხილებები: ამპუარო 20, პაროლო 37, ლუკარელი 42, ბიაბიანი 59 - ფერი 52

მსაჯი: პიერო ჯაკომელი

ბურთის ფლობა: 55%-45%, დარტყმა: 14 (9)-7 (6), კუთხური: 8-6, თამაშგარე: 2-5, სეივი: 5-8, ჯარიმა: 19-8.

ლაციო-ბოლონია 6:0 (4:0)

რომი, “ოლიმპიკო” 32000

ლაციო (4-1-4-1): მარკეტი, კონკო, კანა, დიასი, რადუ, ლედესმა, კანდრევა (პერეირინია 63), ფლოკარი (გონსალესი 75), ერნანესი, ლულიჩი, კლოზე (საა 68).

მწვრთნელი: ვლადიმირ პეტკოვიჩი.

ბოლონია (4-2-3-1): სტოიანოვიჩი, გარიკსი, სორენსენი, ანტონსონი, აბერო, პერესი (კრინი 53), ტაიდერი (გუარენტე 46), გაბიადინი, დიამანტი, კონე, ჯილარდინო (ხრისტოდულოპულოსი 53).

მწვრთნელი: სტეფანო პიოლი.

გოლები: 1:0 კლოზე (22), 2:0 ერნანესი (32), 3:0 კლოზე (36), 4:0 კლოზე (39), 5:0 კლოზე (50), 6:0 კლოზე (61).

გაფრთხილებები: ლულიჩი 11 - აბერო 57, კონე 62, გუარენტე 90+1.

მსაჯი: ანდრეა პირლო.

ბურთის ფლობა: 45%-55%, დარტყმა: 15 (10)-10 (4), კუთხური: 1-9, თამაშგარე: 3-3, სეივი: 6-3, ჯარიმა: 13-17.

იუვენტუსი-პალერმო 1:0 (0:0)

ტურინი, “იუვენტუს სთედიუმი” 38000

იუვენტუსი (3-5-2): ბუფონი, ბარძალი, ბონუჩი, კიელინი, ლიხტშტაინერი (პადოინი 56), ვიდალი, პირლო, პოგბა, ასამოა (პელუზო 66), მარკიზიო, ვუჩინიჩი (კვალიარელა 78).

მწვრთნელი: ანტონიო კონტე.

პალერმო (3-4-3): სორენტინო, ფონ ბერგენი, დონატი, არონიკა, ნელსონი, ბარეტო, კურტიჩი, გარსია, ილიჩიჩი (დიბალა 71), არევალო რიოსი (ფორლინი 79), მიკოლი (ერნანდესი 65).

მწვრთნელი: ჯუზეპე სანინო.

გოლი: 1:0 ვიდალი (59, პენ).

გაფრთხილებები: ბარძალი 42, ვიდალი 60.

გაძევება: პოგბა 83.

მსაჯი: ანდრეა რომეო.

ბურთის ფლობა: 68%-32%, დარტყმა: 12 (5)-4 (2), კუთხური: 7-4, თამაშგარე: 4-2, სეივი: 1-3, ჯარიმა: 12-8.

ჯენოა-პესკარა 4:1 (2:1)

გენუა, “ლუიჯი ფერარისი” 20000

ჯენოა (4-3-1-2): ფრეი, გრანქვისტი, პორტანოვა, მანფრედინი, ანტონელი (მორეტი 76), რიგონი, მათუსალემი, ვარგასი (ტოცერი 58), ბერტოლაჩი, ფლორო ფლორესი (იმობილე 60), ბორიელო.

მწვრთნელი: დავიდე ბალარდინი.

პესკარა (4-2-3-1): პერინი, ძანონი, კოშიჩი (არსე 59), კაპუანო, ბალძანო, ტონი, რიცო, დი ფრანჩესკო, კაშიონე (ბიარნასონი 85), სკული, სფორცინი (აბრუსკატო 58).

მწვრთნელი: კრისტიან ბუკი.

გოლები: 1:0 ფლორო ფლორესი (19), 2:0 ბორიელო (30), 2:1 სკული (35), 3:1 ბორიელო (54), 4:1 ბერტოლაჩი (70).

გაფრთხილება: სკული 71.

მსაჯი: ანდრეა გერვაზონი.

ბურთის ფლობა: 56%-44%, დარტყმა: 15 (7)-5 (1), კუთხური: 8-4, თამაშგარე: 3-0, სეივი: 0-3, ჯარიმა: 10-11.

კატანია-სიენა 3:0 (1:0)

კატანია, “ანჯელო მასიმინო” 13000

კატანია (4-3-3): ფრიზონი, ალვარესი (პოტენცა 40), როლინი, სპოლი, კაპუანო, ისკო, ლოდი, ბიაჯანტი, ბარიენტოსი, ბერგესიო (კანი 74), კასტრო (გომესი 76).

მწვრთნელი: როლანდო მარანი.

სიენა (3-4-3): პეგოლო, ტეიშეირა, პაცი, ფელიპე, ანჯელო, კალელო, დელა როკა (ვერე 79), რუბინი, როზინა (ბოგდანი 69), ემეგარა, სესტუ (მანინი 58).

მწვრთნელი: ჯუზეპე იაჩინი.

გოლები: 1:0 ბერგესიო (14), 2:0 ბერგესიო (52), 3:0 ბერგესიო (71).

გაფრთხილებები: სპოლი 54 - ემეგარა 82.

გაძევება: ფელიპე 42.

მსაჯი: ლუკა ბანტი.

ბურთის ფლობა: 53%-47%, დარტყმა: 8 (5)-10 (3), კუთხური: 2-5, თამაშგარე: 2-1, სეივი: 3-2, ჯარიმა: 10-14.

მილანი-ტორინო 1:0 (0:0)

მილანი, “ჯუზეპე მეაცა” 43000

მილანი (4-3-3): აბიატი, აბატე, საპატა, მექსე, კონსტანტი, ფლამინი (რობინიო 81), მუნტარი, ნოჩერინო, ბოატენგი (ნიანგი 76), ბალოტელი, ელ შაარავი (პაცინი 56).

მწვრთნელი: მასიმილიანო ალეგრი.

ტორინო (5-3-2): ჟილე, დარმიანი, დი ჩეზარე (დ’ამბროზიო 83), ოგბონა, მასიელო, როდრიგესი, ბრიგი (სანტანა 75), ვივესი, ბაშა, ჩერჩი, ბარეტო (მეჯორინი 84).

მწვრთნელი: ჯამპიერო ვენტურა.

გოლი: 1:0 ბალოტელი (84).

გაფრთხილებები: მექსე 50, მუნტარი 73, ბოატენგი 74, ბალოტელი 85.

მსაჯი: ანტონიო დამატო.

ბურთის ფლობა: 65%-35%, დარტყმა: 14 (5)-8 (4), კუთხური: 13-3, თამაშგარე: 2-3, სეივი: 5-9, ჯარიმა: 10-15.

ნაპოლი-ინტერი 3:1 (2:1)

ნეაპოლი, “სან პაოლო” 3:1 (2:1)

ნაპოლი (3-5-2): დე სანკტისი, გამბერინი (როლანდო 62), კანავარო, ბრიტოსი, მაჯო, ჯემაილი (არმერო 66), ბეჰრამი, ჰამშიკი, ზუნიგა, კავანი, პანდევი (რ. ინსინიე 85).

მწვრთნელი: ვალტერ მაცარი.

ინტერი (3-5-2): ჰანდანოვიჩი, რანოკია (სკელოტო 82), კივუ, ჟეზუსი, ჟონათანი, ბენასი (კამბიასო 46), კოვაჩიჩი, კუზმანოვიჩი (პაზა 83), პერეირა, ალვარესი, გუარინი.

მწვრთნელი: ანდრეა სტრამაჩონი.

გოლები: 1:0 კავანი (3), 1:1 ალვარესი (23, პენ), 2:1 კავანი (33, პენ), 3:1 კავანი (78).

გაფრთხილებები: ბეჰრამი 90+1 - ჟონათანი 33, ჟეზუსი 62, რანოკია 76.

მსაჯი: ანტონიო ჯანოკარო.

ბურთის ფლობა: 46%-54%, დარტყმა: 14 (9)-8 (5), კუთხური: 5-6, თამაშგარე: 4-1, სეივი: 4-6, ჯარიმა: 11-16.