“პორტუდან” “ვერონაში” განათხოვრებული ახალგაზრდა არგენტინელი შემტევის, ხუან იტურბეს აგენტი აცხადებს, რომ მისი კლიენტი პორტუგალიურ კლუბში დაბრუნებას არ აპირებს.
“იტურბე “პორტუში” აღარ ითამაშებს. მას ამ გუნდში დაბრუნების სურვილი არ აქვს. დარწმუნებული ვარ, “ვერონა” ფეხბურთელის გასყიდვის უფლებას გამოიყენებს. ვერონელები ამაში ან დიდ კლუბს დაიხმარენ, ან საჭირო თანხას თავად გამონახავენ.
“რომა”? ამ ეტაპზე, კონკრეტული არაფერია, მაგრამ მოვიტყუები თუ ვიტყვი, რომ “რომა” ცუდი ვარიანტი იქნება.” – აცხადებს იტურბეს აგენტი გუსტავო მასკარდი.
მასკარდი ჟურნალისტებს FIFA-ს იმ წესზეც მიუთითებს, რომლის თანახმადაც, ფეხბურთელს, ერთი სეზონის განმავლობაში, ორზე მეტი გუნდის შემადგენლობაში თამაში ეკრძალება: “მიმდინარე სეზონში, იტურბემ “პორტუშიც” ითამაშა და “ვერონაშიც”, ასე რომ, ის ვერონულ გუნდს იანვარში ვერ დატოვებს.”
გავრცელებული ინფორმაციით, სერია A-ს 13 თამაშში 4 გოლის გამტანი 20 წლის ფეხბურთელით “ნაპოლი” და “რომა” არიან დაინტერესებულნი.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ადმინ წერ გოგონები გამოვლენო და ბადეებში ქართველები არ ჩანან. რა ხდება?
ცუდია
არადა გუშინ რა კარგი დღე გვქონდა.
რა სტარტი გვქონდა და რა ცუდად გაგრძელდა მერე ვყელაფერი, მაგრამ 2 ოქროს მედალიც სერიოზული წარმატებაა და უკმაყოფილების საბაბაბი არ გვაქვს