დღეს არაერთ იტალიურ გამოცემაში დაიწერა, რომ იტალიურ "პარმას" 20 წლის ქართველი ფორვარდი გიორგი ჭანტურია აინტერესებს და მისი შეძენის შესაძლებლობას განიხილავს. მაგალითად, Calciomercato და Calcionews-ი წერენ, რომ ქართველი რამდენიმე ფეხბურთელთან ერთად წერია მწვრთნელ რობერტო დონადონის სიაში. 

"პარმას" გარდა, ასევე წერია "ტორინოსგან" ინტერესზე, უმცა ეს სიახლე არაა - ტურინულ კლუბზე ერთი თვის წინაც ეწერა.

როგორც იცით, გიორგი არნემის "ვიტესის" საკუთრებაა და გასული სეზონის მეორე ნახევარი ვლადიკავკაზის "ალანიაში" გაატარა იჯარით. რაც შეეხება "პარმას", დონადონის გუნდმა სერია A-ს გასული სეზომი მე-10 ადგილზე დაასრულა. გუნდის წამყვანი ცენტრფორვარდი ამაური გახლავთ.