იტალიური პრესის ცნობით, “ნაპოლის” სამწვრთნელო შტაბმა და ხელმძღვანელობამ ზამთრის სატრანსფერო სეზონზე შესამატებელი ფეხბურთელების სია უკვე ჩამოწერეს. როგორც Corriere dello Sport იუწყება, ნეაპოლელები ორ-სამ თვეში ისევ აქტიურად გააგრძელებენ მახაჩყალის “ანჟისთან” ჰავბეკ ჟუსილეის თაობაზე მოლაპარაკებას. ამასთან, “ლივერპულიდან” მცველ მარტინ შკრტელის გადაყვანასაც შეეცდებიან. სხვა წყაროები იტალიელთათვის კიდევ ერთ საინტერესო ფეხბურთელზე, “ბარსელონას” მარტინ მონტოიაზეც საუბრობენ, რომელიც მიმდინარე სეზონის დასრულების შემდეგ თავისუფალი აგენტი ხდება.

აპენინური გამოცემების ინფორმაციით, “ნაპოლის” სამივე ჩამოთვლილი მოთამაშის იჯარის წესით აყვანა სურს.