ჩილეს ეროვნული ნაკრებისა და ტურინის “იუვენტუსის” ნახევარმცველ მაურისიო ისლას აგენტმა საკუთარი კლიენტის მომავალს ნათელი მოჰფინა.
25 წლის მოთამაშის შეძენა მილანის “ინტერს” სურდა, მაგრამ “ბებერმა ქალბატონმა” უარით გაისტუმრა და ფეხბურთელი, რომელმაც სერია A-ს გასულ სეზონში მხოლოდ 11 მატჩში მიიღო მონაწილეობა, ახალ სეზონს კვლავ ტურნირში იწყებს.
“ბოლო დროს ხშირად გვესმოდა, რომ თითქოსდა ისლა კლუბის ხელმძღვანელობას “ინტერში” გაშვებას თხოვდა. მაურისიოს მხოლოდ ის სურს, რომ გუნდის მნიშვნელოვანი ნაწილი იყოს და მოედანზე უფრო ხშირად გავიდეს. “იუვენტუსი” და “ინტერი” ის გუნდები არიან, სადაც თამაშს ნებისმიერი ფეხბურთელი ისურვებდა. რადგან “ინტერში” გადასვლა არ მოხერხდა, ისლა “იუვენტუსში” დარჩენით ბედნიერი იქნება”, - განაცხადა კლაუდიო ვაგეჯიმ.
