ევრო-2016 შესარჩევ ციკლში საქართველოს ეროვნულ გუნდთან 7 სექტემბერს თბილისში გასამართი მატჩის წინ, ირლანდიის ნაკრებს კიდევ ორი ფეხბურთელი გამოაკლდა.   

ინტერნეტპორტალ irishtimes.com-ის ინფორმაციით, მარტინ ონილის გუნდს ენტონი სტოუქსი და კეირენ ვესტვუდი ვერ დაეხმარებიან. პირველი მათგანი გლაზგოს “სელტიკის” თავდამსხმელია, ხოლო მეორე – “სანდერლენდის” მეკარე.

ირლანდიის საფეხბურთო ასოციაციის განცხადებით, დანარჩენი მოთამაშეები ჯანმრთელად არიან და სრული დატვირთვით ვარჯიშობენ.