მადრიდის “რეალის” ნახევარმცველი ლუკა მოდრიჩი მილანის “ინტერის” ინტერესთა სფეროში მოექცა. ერთბაშად რამდენიმე იტალიური მედიასაშუალება იუწყება იმის შესახებ, რომ “ნერაძური” ხორვატის გადაბირებას უახლოეს სატრანსფერო სეზონში ეცდება.

გადაწყვეტილია, რომ თუკი მადრიდელთა თავკაცი ჟოზე მოურინიო სხვა კლუბში გადავა, “სანტიაგო ბერნაბეუს” რამდენიმე ფეხბურთელი დატოვებს. მათ შორისაა მოდრიჩიც. შესაძლოა, “ინტერმა” ხორვატი წელიწადით ინათხოვროს და გამოსყიდვის უპირატესი უფლება დაიტოვოს.

შეგახსენებთ, რომ “რეალმა” მოდრიჩი ზაფხულში, ლონდონის “ტოტენჰემისგან”, 35 მილიონ ევროდ შეიძინა.