კატალონიის “ბარსელონა” ანდრეს ინიესტასთან ახალი კონტრაქტის დეტალებს ვერ ათანხმებს. Marca-ს ცნობით, “ბლაუგრანა” ერთ-ერთ ლიდერს წელიწადში 12 მილიონ ევროს სთავაზობს, მაგრამ ესპანელი უარზეა.
ამის მიზეზი ისაა, რომ ესპანელს წლიური 12 მილიონი ევრო ეცოტავება და მეტს ითხოვს. ინიესტას გარდა, “ბარსელონას” ჟერად პიკესთან და ანდონი სუბისარეტასთან სურს ხელშეკრულებების გახანგრძლივება. რამდენადაც ცნობილია, კატალონიელებმა სპორტულ დირექტორ სუბისარეტასთან შეთანხმებას უკვე მიაღწიეს.
თუკი “ბარსა” და ინიესტა შეთანხმდებიან, ესპანელი “კამპ ნოუზე” 2018 წლამდე დარჩება.
