კატალონიის “ბარსელონას” ნახევარმცველმა ანდრეს ინიესტამ ესპანეთის მე-3 დივიზიონის კლუბი “ალბასეტე” დაქვეითებისგან იხსნა. Goal-ის ცნობით, ესპანელმა თავის მშობლიურ კლუბს ვალები გაუსტუმრა, რითაც მე-4 დივიზიონში დაქვეითებას გადაარჩინა.

მართალია, “ალბასეტემ” მე-3 ადგილი დაიკავა, მაგრამ მძიმე ფინანსური მდგომარეობის გამო, შესაძლოა, ყველაფერი წყალში ჩაყრილიყო. ინიესტამ პრობლემების მოგვარება თავის თავზე აიღო და 240 ათას ევროს შეელია, რითაც თავისი მშობლიური კლუბი მე-3 დივიზიონში დატოვა.

აღსანიშნავია, რომ ინიესტა “ალბასეტეს” 2011 წელს 420 ათასი ევროთიც დაეხმარა.

ცნობისთვის, ესპანელმა საფეხბურთო კარიერა სწორედ “ალბასეტეში” დაიწყო, 1996 წელს კი, 12 წლის ასაკში, “ბარსელონას” ადაკემიაში გადაბარგდა.