კატალონიის “ბარსელონას” სპორტულმა დირექტორმა ანდონი სუბისარეტამ განაცხადა, რომ დიდი ალბათობით, ანდრეს ინიესტა კლუბთან კონტრაქტს შობის დღესასწაულამდე გაახანგრძლივებს.
“ვადასტურებ, რომ ინიესტასთან ახალი კონტრაქტის გაფორმება ძალზე რეალურია. საბოლოო შეთანხმებასთან ახლოს ვართ. ვფიქრობ, ხელშეკრულებას შობამდე გავაფორმებთ”, - განუცხადა სუბისარეტამ ერთ-ერთ კატალონიურ რადიოს.
ცნობისათვის, ინიესტას მოქმედ კონტრაქტს ვადა 2015 წლის ივნისში ეწურება. “ბარსელონა” ესპანელს ხელშეკრულების 2018 წლამდე გახანგრძლივებას სთავაზობს.
