ინგლისის ნაკრებს მსოფლიო ჩემპიონატის სასტარტო მატჩამდე სამი დღით ადრე თავდამსხმელი დენი უელბეკი გამოაკლდა. Sky Sports-ის ინფორმაციით, “მანჩესტერ იუნაიტედის” ფეხბურთელი ვარჯიშზე დაშავდა და მინდორი გაჭირვებით დატოვა. ჯერ კონკრეტული განცხადებები არ გაკეთებულა, თუმცა სავარაუდოდ ბრიტანელებს იტალიის წინააღმდეგ უელბეკის გარეშე მოუწევთ თამაში. მომავალ შეხვედრაში ინგლისის ნაკრებს ვერც ჰავბეკი ალექს ოქსლეიდ-ჩემბერლენი დაეხმარება.
შეგახსენებთ, ინგლისი D ჯგუფშია და იტალიის გარდა ურუგვაისა და კოსტა რიკას დაუპირისპირდება.
