“მილანის” თავკაცმა ფილიპო ინძაგიმ გულშემატკივრები დაამშვიდა და განაცხადა, რომ გუნდი აგვისტოს ბოლოს სრულ მზადყოფნაში ეყოლება. წარუმატებლად ჩატარებული ამხანაგური მატჩების შემდეგ, “სუპერპიპო” აპენინელებმა საკმაოდ გააკრიტიკეს.

“ძალიან ბევრს ვმუშაობთ და პროგრესიც გვაქვს. ჩემი გუნდი აგვისტოს ბოლოს მზად იქნება. წარმატებაში დარწმუნებული ვარ”, - განუცხადა ინძაგიმ იტალიურ მედიას.

აღსანიშნავია, რომ “მილანმა” “ოლიმპიაკოსთან” (0:3) და “მანჩესტერ სიტისთან” (1:5) ამხანაგური მატჩები დათმო.