“ნაპოლის” ფორვარდმა გონსალო იგუაინმა განაცხადა, რომ მიმდინარე სატრანსფერო სეზონში, კატალონიის “ბარსელონაში” გადასვლას არ გეგმავს.

“სათქმელი არაფერია, რადგან არც არაფერი ყოფილა. “ბარსელონას” მხრიდან ინტერესის შესახებ არაფერი ვიცი და “ნაპოლიში” თავს ბედნიერად ვგრძნობ. სადღეისოდ, მხოლოდ მსოფლიოს ჩემპიონატზე ვფიქრობ”, - განუცხადა 26 წლის არგენტინელმა იტალიურ მედიას.

ცნობისათვის, იტალიის ჩემპიონატის გასულ სეზონში, იგუაინმა 17 გოლი მიითვალა.