მადრიდის “რეალი” თავდამსხმელ გონსალო იგუაინს იმ შემთხვევაში დათმობს, თუ მსურველი კლუბი 30 მილიონ ევროს გადაიხდის. ამის შესახებ Marca იუწყება.

არგენტინელი ფორვარდის წარმომადგენლები “რეალის” ხელმძღვანელებს შეხვდნენ და სატრანსფერო ფასზე საბოლოოდ ჩამოყალიბდნენ. თუკი 25 წლის იგუაინში 30 მილიონ ევროს გადაიხდიან, “რეალს” ტრანსფერზე უარის თქმის უფლება აღარ ექნება.

სადღეისოდ, არგენტინელის გადაბირება ლონდონის “არსენალსა” და ტურინის “იუვენტუსს” სურთ. ჯერჯერობით, “ბებერი სინიორა” იგუაინში 22 მილიონ ევროზე მეტის გადახდას არ გეგმავს.