შვედეთის ეროვნული ნაკრებისა და ფრანგული პსჟ-ს თავდამსხმელის, ზლატან იბრაჰიმოვიჩის აგენტი მინო რაიოლა მოლაპარაკებას მადრიდის “რეალის” წარმომადგენლებთან მართავს.

Sky Italia-ს ცნობით, რაიოლა ესპანეთის დედაქალაქში ჩავიდა და “სამეფო კლუბის” ხელმძღვანელობასთან თავისი კლიენტის ამ გუნდში გადასვლისშესაძლებლობებს განიხილავს.

მოლაპარაკების სხვა დეტალები, სატრანსფერო ღირებულება და 31 წლის შვედის პირადი კონტრაქტის ნიუანსები ჯერჯერობით უცნობია. სამაგიეროდ, საუბრობენ იმ მიზეზებზე, რის გამოც იბრაჰიმოვიჩი პარიზული კლუბის დატოვებას აპირებს: ედინსონ კავანის შესაძლო შეძენა, კარლო ანჩელოტისთან მუშაობის გაგრძელების სურვილი და პსჟ-დან ლეონარდოს წასვლა.

საფრანგეთის ჩემპიონატის გასულ სეზონში, ზლატანმა 34 მატჩში 30 გოლი გაიტანა და ტურნირის საუკეთესო ბომბარდირი გახდა.