ადნან იანუზაი გულშემატკივრებმა ზედიზედ მესამედ “მანჩესტერ იუნაიტედის” თვის საუკეთესო მოთამაშედ დაასახელეს. ამის შესახებ მანჩესტერული საფეხბურთო კლუბის ოფიციალური ვებგვერდი იუწყება.
მაისში ჩატარებულ გამოკითხვაში იანუზაიმ ქომაგთა 53 პროცენტი დააგროვა და ესპანელ ნახევარმცველ ხუან მატას გარდა, სერბ მცველ ნემანია ვიდიჩს აჯობა. 19 წლის ბელგიელმა აპრილსა და მარტშიც იპირველა.
განვლილ სეზონში, იანუზაიმ “მანჩესტერ იუნაიტედის” რიგებში 35 მატჩი ჩაატარა და 4 გატანილ გოლთან ერთად, 4 საგოლე პასი მიითვალა.
