“შალკეს” თავდამსხმელი კლას-იან ჰუნტელარი აცხადებს, რომ გელზენკირხენის კლუბმა მომავალ სეზონში წლევანდელი შედეგი აუცილებლად უნდა გააუმჯობესოს. ფეხბურთელმა იცის, რა არის ამისთვის საჭირო.
“გასულ სეზონში დავამტკიცეთ, რომ საკუთარ კედლებში ძლიერი და წარმატებული ფეხბურთის თამაში შეგვიძლია. ახლა დროა, გასვლაზეც უკეთ ავთამაშდეთ. თითოეულ მატჩს მაქსიმალურად კონცენტრირებულები შევხვდებით და საბოლოოდ იმაზე უკეთეს შედეგს მივიღებთ, ვიდრე ახლა გვაქვს”, – უთხრა ჰუნტელარმა ერთ-ერთ გერმანულ გამოცემას.
