ხანგრძლივი პაუზის შემდეგ, “შალკეს” თავდამსხმელი კლას-იან ჰუნტელარი უბრუნდება. გერმანული პრესის ცნობით, “ხუმარების” მთავარმა მწვრთნელმა, იენს კელერმა კლუბის ექიმისგან სასიხარულო ამბავი გუშინ შეიტყო და ოფიციალური კომენტარიც უმალ გააკეთა.
“ჰუნტელარის ტრავმა ჩვენთვის ძალიან მძიმე დარტყმა იყო. სარეაბილიტაციო პერიოდი დასასრულს მიუახლოვდა და უკვე გადაწყვეტილია, რომ მეორე წრეს ფორვარდი სრულ მზადყოფნაში შეხვდება” – განაცხადა იენს კელერმა.
შეგახსენებთ, ჰოლანდიელმა ფეხბურთელმა მუხლის ტრავმის გამო მიმდინარე სეზონში მხოლოდ ორი თამაში ჩაატარა.
