ინგლისის ფეხბურთელთა ეროვნული ნაკრების მთავარი მწვრთნელი როი ჰოჯსონი ფიქრობს, რომ მსოფლიო ჩემპიონატის განაცხადის შედგენისას არჩევანის გაკეთება გაუჭირდება.

“სტერლინგი, სტარიჯი, ლალანა, შოუ, ოქსლეიდ-ჩემბერლენი – თითოეული თავის შანსს იმსახურებს. მსოფლიო ჩემპიონატის განაცხადის შედგენა გამიჭირდება, მაგრამ ეს კარგია. ძალიან მიხარია, როდესაც ვხედავ რომ ამ ფეხბურთელებს ტურნირზე გამგზავრების დიდი სურვილი აქვთ. დანიასთან თამაშზე განაცხადში შეყვანილ ფეხბურთელთა ნახევარზე მეტი 23 წლისაც არ იყო. ჩვენ შემადგენლობის გაახალგაზრდავებაზე ვფიქრობთ, მაგრამ ეს არ ნიშნავს, რომ მსოფლიო ჩემპიონატზე მხოლოდ ახალგაზრდა მოთამაშეების წაყვანის ვალდებულება მაქვს” – იუწყება ჰოჯსონის სიტყვებს BBC-ი.

შეგახსენებთ, რომ 5 მარტს გამართულ ამხანაგურ მატჩში ინგლისის ნაკრებმა დანიას 1:0 აჯობა.