მიუნხენის “ბაიერნის” პრეზიდენტი ული ჰიონესი ბუნდესლიგაში მისი მისი გუნდის კონკურენტებზე საუბრობს და ყველაზე რთულ მეტოქედ “დორტმუნდს” მიიჩნევს.

“დორტმუნდი” სწორედ იმ თამაშს აჩვენებს, რომელსაც ამ გუნდისგან ველოდით. ბუნდესლიგის მიმდინარე გათამაშებაში, ეს გუნდი ჩვენთვის ყველაზე რთული მეტოქეა.

რა თქმა უნდა, “ლევერკუზენის” ჩამოწერაც არ შეიძლება, მაგრამ ეჭვი არ მეპარება, რომ “ბაიერნი” და “დორტმუნდი” ჩემპიონობისთვის ბოლო ტურებამდე იბრძოლებენ.

“ჰერტასთან” გამართულ მატჩში “ბაიერნმა” აჩვენა, რომ ტიკი-ტაკას გარეშე მოგებაც შეგვიძლია. ჩვენს გუნდს გამარჯვების მიღწევა ბრძოლითაც შეუძლია. სეზონის დარჩენილ ნაწილს ძალიან ოპტიმისტურად ვუყურებ.” – აცხადებს ული ჰიონესი.

შეგახსენებთ, რომ ბუნდესლიგის პირველი 10 ტურის შემდეგ, ლიდერი “ბაიერნი” “დორტმუნდსა” და “ლევერკუზენს” თითო ქულით უსწრებს.