ისრაელის საკალათბურთო ჩემპიონატის ცენტრალურ მატჩში რიკი ჰიკმანის “მაკაბი თელ ავივი” იერუსალიმის “ჰაპოელს” გაეჯიბრა და 83:79 დაამარცხა, საქართველოს ნაკრების ნატურალიზებული ამერიკელი კალათბურთელი კი სტუმართა რიგებში საუკეთესო იყო.

ჰიკმანი თელ ავიველთა სასტარტო ხუთეულში გამოჩნდა და 27 წუთში 15 ქულა, 1 მოხსნა, 2 პასი და 2 ჩაჭრა მიითვალა. რიკიმ 4-დან 2 ორქულიანი, 3-დან 1 სამქულიანი და 8-ვე საჯარიმო ჩააგდო, ბურთი 3-ჯერ დაკარგა, 1 პერსონალური ფოლი მიიღო, მის წინააღმდეგ კი ერთბაშად 6-ჯერ დაჯარიმდნენ.

“მაკაბიმ” 6 მარცხის წილ 21-ე გამარჯვება იზეიმა და ლიდერობა სწორედ “ჰაპოელს” (20 მოგება) ჩამოართვა. თელ ავიველებს ისრაელის ჩემპიონატში მორიგი მატჩი 28 აპრილს ელით, როდესაც ჰაიფას “მაკაბის” დაუხვდებიან.