26 წლის ქართველმა მცველმა მათე ღვინიანიძემ "სევასტოპოლის" დუბლებში ითამაშა და "შახტარის" სარეზერვოებთან 5:1 მოგებულ შეხვედრაში გოლი გაიტანა. მათემ, რომელიც ახლო წარსულში "მიუნხენ 1860"-ის ერთ-ერთ რჩეულ ფეხბურთელად ითვლებოდა, "შახტართან" მე-16 წუთზე გახსნა ანგარიში. იმედია, ქართველი მცველი მალე ისევ "სევასტოპოლის" ძირითადში ითამაშებს.

პოლონეთის ჩემპიონატი დაიწყო და პირველ ტურში ლადო დვალიშვილის "ლეგიამ" შინ 5:1 სძლია ლოძის "ვიძევს". დვალიშვილი სათადარიგო გახლდათ და არ უთამაშია.

დაიწყო რუმინეთის ჩემპიონატიც, სადაც უმაღლეს ლიგაში ერთი ქართველიც არ თამაშობს, თუმცა რატომ გვაინტერესებს "სტიუას" ამბები, იოლი მისახვედრია. დიდი ალბათობით, ეს გუნდი ხომ თბილისის "დინამოს" შეხვდება ჩემპიონთა ლიგის III საკვალიფიკაციო ეტაპზე:

"სტიაუამ" შინ 2:1 აჯობა "ჩახლაულს". ბუქარესტელები 27-ე წუთზე 2:0-ს იგებდნენ პოპასა და გეორგიევსკის გოლებით, საპასუხო ბურთი კი მე-40 წუთზე გაუშვეს.

"სტიაუას" შემადგენლობა: ტატარასანუ, გარდოში, შუკალა, გეორგიევსკი, ლატოვლევიჩი, ბურჩიანუ, პინტილი (იანგუ 44), პოპა, ტანასე (რადუცი 61), სტანკუ (პრეპელიტა 46), ნიკოლიჩი.

მწვრთნელმა ლაურენტიუ რეგეკამპფმა ჩვეული 4-2-3-1-ის ნაცვლად, 4-4-2 სისტემა გამოიყენა და წინ ნიკოლიჩი-სტანკუს დუეტი ჰყავდა.