“ბაიერნის” მთავარი მწვრთნელი პეპ გვარდიოლა იმედს გამოთქვამს, რომ ტონი კროოსი მომდევნო სეზონშიც მიუნხენურ გუნდში ითამაშებს.

კროოსს “ბაიერნთან” კონტრაქტი 2015 წლამდე აკავშირებს და მხარეები ახალი ხელშეკრულების პირობებზე ვერ თანხმდებიან. ამის პარალელურად, 24 წლის შუახაზელს “მანჩესტერ იუნაიტედი” ფინანსურად მომგებიან შეთავაზებას უკეთებს.

“მინდა, რომ კროოსი დარჩეს. იგივე სურთ რუმენიგესა და ზამერს. კროოსი შესანიშნავი ფეხბურთელია, რომელმაც გადაწყვეტილება თავად უნდა მიიღოს, მაგრამ ჩვენ ყველას მისი დარჩენა გვსურს.” – ციტირებს გვარდიოლას სიტყვებს Goal-ი.