მიუნხენის “ბაიერნის” მწვრთნელ პეპ გვარდიოლას “ბილბაოდან” 19 წლის ცენტრალური მცველის, ემერიკ ლაპორტის გადაყვანა სურს. ლაპორტით “ბარსელონაცაა” დაინტერესებული, თუმცა სამომავლოდ. აი, “ბაიერნს” კი ზაფხულშივე სურს ამ ფეხბურთელის ტრანსფერის განხორციელება.

ლაპორტმა მიმდინარე პრიმერა დივიზიონში 33 მატჩი ჩაატარა და 2 გოლი გაიტანა. ის საფრანგეთის მოქალაქეა და 19-წლამდელთა ნაკრებშიც უთამაშია საქართველოს წინააღმდეგ – შარშან ზაფხულს ევროპის ჩემპიონატზე, როცა მატჩი 0:0 დასრულდა.