გერმანული Bild-ის მიერ გავრცელებული ინფორმაციით, მიუნხენის “ბაიერნის” მთავარ მწვრთნელს, პეპ გვარდიოლას თავისი ყოფილი შეგირდის, ხერარდ პიკეს გადაბირების სურვილი აქვს.

პერიოდულად ვრცელდება ინფორმაცია, რომ გვარდიოა “ბაიერნის” დაცვის ცენტრის გაძლიერებას აპირებს. აქამდე 2 კანდიდატი სახელდებოდა – დავიდ ლუიზი და ტიაგუ სილვა. ახლა, მათ რიგებს 26 წლის პიკეც შეემატა.

პიკე, რომელიც “ბარსელონას” სკოლის აღზრდილია, “მანჩესტერიდან” კატალონიურ კლუბში სწორედ გვარდიოლამ დააბრუნა და მანვე აქცია მაღალი დონის მცველად. გვარდიოლა და პიკე “ბარსელონაში” ერთად 4 წლის განმავლობაში მუშაობდნენ და მათ, ამ დროის განმავლობაში, 14 ტიტული მოიგეს.

იმის გათვალისწინებით, რომ “ბარსელონა” დაცვის ცენტრის გაძლიერებას თავად აპირებს, დიდი ალბათობით, კატალონიელები პიკეს გაშვებას არ დასთანხმდებიან და თუ ბოლოს გაკეთებულ კომენტარს დავუჯერებთ, გუნდის გამოცვლის სურვილი არც თავად ფეხბურთელს აქვს.